Последние новости
Домой / Новости / Город / Көмір тасымалы қашан жолға қойылады?

Көмір тасымалы қашан жолға қойылады?

data-ad-slot="1867841055">

IMG_4160

Семей.19.10. “Semeyainasy” – Жылу маусымы басталысымен Семейде көмір тапшылығы біліне бастады. Көмір жоқ емес, бар. Тек тасымалдау баяу болып тұр. Осыған орай қала әкімі Ермак Сәлімов бүгін журналистермен бірге «Жігер-СТ» ЖШС-ның көмір қоймаларына аралап, жауапты мамандарға көмір тасымалын реттеуді тапсырды.

Семейге Қаражыра кен орнының көмірін тасымалдап, сатумен «Жігер-СТ» ЖШС айналысады. Жеке тұрғын үйлер үшін қалаға 40 мың тонна көмір қажет. Қазіргі күні 25 мың тонна көмір сатып алынған.

Жігер-СТ қызметкерлерінің айтуынша, келісімшартқа сай Семейге күніне 20 вагон көмір жеткізіледі. «Тіпті қазіргі уақытта бекітілген норманы асыра орындап, күніне 25 вагон көмір тасымалдап отырмыз», – дейді олар. Алайда көмір тасымалымен айналысатын жүргізушілер вагонның қалаға күн аралатып келетінін айтады:

– Кезегімді күтіп тұрғаныма бүгін екінші күн. Қоймаға күніне 5 вагон ғана келеді. Кешелі бері ғана 10 вагон келіп отыр. Бұдан бөлек Семейге қарасты аудандардың көмір тасымалымен айналысатын жүк көліктері де осында келеді. Салдарынан көмір Семейге толық жеткізіліп отырған жоқ, – деді жүргізушілердің бірі.

«Жігер-СТ» ЖШС басшысы Болатхан Мұсабаев:

– Күніне 800-1000 тонна көмір Семейге келеді. Аудандар мен ауылдар үшін күніне 40 вагон көмір аялдау пунктіне жеткізіледі. Бұл шамамен 2400-2800 тонна көмірге тең. Аялдау пунктінде көмірдің тоннасы 5800 теңгеден саудаланып жатыр. Бұл – ең арзан баға. Сондықтан тасымалдаушылар аудандардан келген жүргізушілерге аялдау пунктіне баруды ескертуі керек. Біз кезекте тұрған жүргізушілердің қайдан келгенін сұрамаймыз.

Семей жол бөлімшесінің басшысы Марлен Көкірекбаев:

– Өткен жылдан бері Қаражыра кен орнынан 1 млн. 200 мың тонна көмір сатып алынды. Көмір вагондарының қозғалысын бақылап, қоймаға уақытында жеткізілуін қадағалап отырмыз.

Қазіргі уақытта аталған қоймада көмірдің тоннасы 7 мың теңгеден сатылып жатыр. Ал тасымалдаушылар қатты отынды қала мен аудандарда үстеме бағамен сатуда.

“Жігер-СТ” ЖШС басшысы Болатхан Мұсабаев көмір тасымалын реттейтінін жеткізді.

Айзада Сламбаева

От Semeyainasy news

Посмотрите также...

В Восточном Казахстане состоялось открытие литературной выставки «30 лет созидания – 30 лет достижений»

Читали: 52 data-ad-slot="1867841055"> Семей. 27.01. “Semeyainasy” – Открытие праздничной литературной экспозиции, посвященной 30-летию независимости Казахстана, …

Добавить комментарий

СЕМЕЙ АЙНАСЫ

СЕМЕЙ АЙНАСЫ