Домой / Новости / Город / Семейде ШҚО әкімі көп балалы аналарға жаңа пәтерлердің кілтін табыстады

Семейде ШҚО әкімі көп балалы аналарға жаңа пәтерлердің кілтін табыстады

IMG-20190507-WA0043

Семей.07.05.»Semeyainasy» — Шығыс Қазақстан облысының әкімі Даниал Ахметов Семей қаласына жұмыс сапары барысында Қарағайлы шағын ауданында болып, бес көп балалы анаға жаңа тұрғын үйдің кілтін табыс етті.

Пәтерлерді аралаған өңір басшысы тұрғын үйлердің сапасына риза болды. Д. Ахметов көп балалы аналарды жаңа қоныстарымен құттықтап, барлығына денсаулық пен бақыт тіледі.

— Бүгін біз Елбасы Нұрсұлтан Әбішұлы Назарбаевтың тапсырмасы бойынша алғашқы қадамдар жасадық, — деді Д. Ахметов. — Биыл көпбалалы аналарға 200-ден астам пәтер беріледі. Осы жұмыстар Семей қаласында болып жатқанына қуаныштымын. Бұл шағын аудан мен үшін ерекше. Менің ойымша, Қарағайлы эталондық аудан болып, Семейдің алға қарай дамитын стандарттарын қалыптастырады.

Өз кезегінде көп балалы аналар әкімге алғыс айтып, жылы лебіздерін білдірді.

— Осындай қымбат сыйлық үшін Елбасына рахмет, — деді көп балалы ана Айтбуба Айсанова. — Бізге құрметпен қарайтыны үшін қуаныштымын. Баршаңызға бейбіт аспан мен амандық тілеймін. Балаларымыз аман болсын. Осының бәрін сақтайық және көбейтейік.

Құрылыс салушылармен әңгімелесу барысында Д. Ахметов шағын ауданның архитектуралық келбетін әрлендіруді тапсырды. Жалпы, аймақ басшысы Қарағайлы ауданында салынып жатқан тұрғын үйдің сапасын жоғары бағалады.

Семей қаласының ақпараттық орталығы

Фото: Семей қаласының ақпараттық орталығы

От Semeyainasy news

Посмотрите также...

IMG-20190516-WA0005

Семей мектептеріне әйгілі тұлғалардың аты беріледі

Семей.17.05.»Semeyainasy» — Семей қалалық мәдениет және тілдерді дамыту бөлімінің қызметкерлері, соңғы үш жылда ономастика саласында …

СЕМЕЙ АЙНАСЫ

СЕМЕЙ АЙНАСЫ